News from home / Education / Ngati Poroutanga
Written by: ngatiporou.com
21 Aug 2018

Maioha atu ra e te wiwi,

E hari nei au me te koa i te huihuinga a nga uri whakaheke a Porou Ariki te Matatara a Whare Te Tuhi Mareikura o Rauru me tona hoa rangatira i a Hamoterangi.

Nau mai haramai ki roto o Waiapu ki Tairawhiti whare Rangitukia , ki Tokomaru akau ki te pa o Tuatini ,ki Te kiekie te pupahi o Rakairoa, ki te wananga whakamaumahara kia Ta Apirana Nohopari Turupa Ngata.

Kia Rongo i nga korero tuku iho a Mokena Kohere, a Henare Potae, a Rapata Wahawaha.

Haruru ana hoki te hinganga o nga kaihautu o taku waka, auahi ana taku raru e, no reira e te mana e te wehi nga uri o te maunga tapu o Hikurangi, o te awa o Waiapu, o nga maunga whakahi o te motu, otira nga mate huhua o te rohe puta noa i te motu takoto marie koutou. Ahakoa kua ngaro i te tirohanga kanohi ka mau tonu i nga whakaaro.

Tatau te hunga kaingakau ki te nohotahi, ki te takahi i nga tapuwae o enei tipuna o tatau tipu matoro ki te ao.                                                                                   

Kia tau te ia o te mauri ki a tatau katoa

Selwyn T Parata
Kaiarahi o Te Wananga whakamaumahara kia Ta Apirana Ngata