Rangatira / 20th century
Written by: Selwyn Tanetoa Parata
9 Jul 2015

Whakarongo ake au ki te hirea waha o Maui e ki mai nei
toia te waka nei ka maunu ki te wai ka hoe ki te moana
whiu ake tona matau mau ake tona ika
ko Aotearoa hutia ka eke kei runga
whakaeteete mai ko Hikurangi
te maunga e kore e nekeneke
te maunga pupu o te tangata.
ka tanuku ka tanuku te tihi o Hikurangi ka tanuku
kua mawehe atu to tatau
Upoko Ariki, to tatau Tumu Whakarae, to tatau tipuna papa


I a Apirana Tuahae Kaukapakapa Mahuika


ki te mana ki te ihi ki te tapu kei te po.
Ahakoa kua ngaro i te tirohanga kanohi ka mau tonu i o matau
whakaaro i te ao i te po.
E kore ia e wareware, ma tatau nga mahuetanga iho hei mau nga ringa, i ana kaupapa, i ona wawata
i tona ohaki, “kia mau kia NgatiPorou”
He uri ia no Maui no Paikea Ariki Moana no Porourangi, no Uepohatu no Materoa, no Umuariki no Rakaimataura, no Te Rangitawaea, no Te Kihirini ,
“he Nati he whanoke” 


I ea i a koe te whakatauaki a to Ingoa
E tipu e rea mo nga ra o tou ao
ko to ringa ki nga rakau a te Pakeha hei oranga mo to tinana ko to ngakau ki nga taonga a o tipuna Maori hei tikitiki mo to mahuna
Ko to wairua ki te Atua nana nei nga mea katoa.
He Atua He Tangata Hi! 

Add new comment