.png)
He mihi aroha tēnei na te whānau o Api Mahuika ki a koutou katoa i whakanui, i whakarangatira hoki i a ia i tana tangihanga i Te Rahui Marae.
Tēnā rawa atu koutou ngā Trustees me ngā kaimahi hoki o Te Runanganui o Ngāti Porou; ko ngā kai-karanga me ngā kaikorero o te pae tapu i pohiritia a tatau manuhiri; ko ngā ringa wera katoa –no te Riu o Waiapu, no ngā pito katoa o Ngāti Porou, no Ngāti Tumatauenga - ko ia wā kai he rite ki te hakari; ko te Tari Pirihimana me ngā Watene Māori; ko te hunga i tae a-tinana mai ki te mau mai o koutou roimata aroha; ko koutou hoki i tuku aroha mai a-putiputi, a-kari, a-imeera hoki; ko koutou i koha putea, kai rānei; ko nga Minita karakia ko Matanuku Kaa raua ko Morehu Te Maro; otira, ko Ngāti Porou whānui tonu. He mihi anō hoki ki a koutou i awhi, i manaaki i te whānau i to matau kaenga i mua i tana matenga. E kore e mutu ngā mihi ki a koutou. Mā to tatau Kaihanga koutou katoa e manaaki, e tiaki. Arohanui na Karin mātau ko Matanuku, ko Hamana, ko Renata, ko Karin paku, ko Umuāriki, ko Kuraunuhia.
The family of the late Api Mahuika wish to thank all those who came from near and far or sent messages of sympathy on his passing. Thank you to those who gave donations and kai. We owe a big debt of thanks to the home people of Waiapu and the wider Ngāti Porou community – the kaikaranga, the speakers on the paepae and the cooks, including the Army – you all did him proud. May God bless you all.
