.png)
“Whakanuia te maioha a Te Rangitawaea hoki mai ki te wa kainga”.
Anei nga wananga e toru mo Te Reo o te Nati i raro i te maru o Porou Ariki Wananga mo te tau ruamano tekau ma rima.
"Whanau a Rua tamatakia"
Kei Tokomaru akau ki te marae o Pakirikiri
22nd, 23rd 24th o Mei
Whakatau 22nd Mei, hei te ahiahi a te 4 karaka. Ka hiki te hui hei te poupoutanga o te ra a te Ratapu 24th o Mei.
"Hoake taua ki Waiapu ki tatara e maru ana"
Kei Waiapu ki te pa o Te Rahui
24th, 25th, 26th o Hurae
Whakatau 24th Hurae, hei te kaunenehu o te po 4 karaka. Ka hiki te hui hei te poupoutanga o te ra a te Ratapu 26 o Hurae.
“Te ika korapa rua! Te tai Timu roa! Te roro huka tai!"
Kei Hiruharama marae
25th, 26th, 27th o Hepetema
Whakatau 25 Hepetema, hei te ahiahi a te 4 karaka. Ka hiki te hui hei te poupoutanga o te ra a te 27 o Hepetema.
Ka haere tatau ki Waiomatatini ki Te Wananga whakamaumahara ki a Ta Apirana Ngata.
Ko te kaupapa o te wananga whakamaumahara ki a Ta Apirana i tenei tau, ko te tokotoru a Iranui, ko Taua, ko Mahaki, ko Hauiti. A, kia whakapumautia nga kawai tangata.
Ratapu 27th o Hepetema. Ka whakaeke i te 2 karaka i te ahiahi
I te poupoutanga o te ra, Mane 28 o Hepetema
I te poupoutanga o te ra, Turei 29 o Hepetema ki te Wenerei 30 o Hepetema
Ka hiki te hui i muri i te parakuihi i te ata o te Wenerei.
He Apirana Ngata te rehitatanga ($50) mo ia wananga, a, $20 ranei mo nga ra e watea ana koe te haramai.
Kia tangatanga nga arero o nga uri whakatipu
Kia rangona te reo o nga matua tipuna i nga wa katoa
Kia hoki tena ki tona ahi, tena ki tona whanau te korero i roto i te reo i nga wa katoa ahakoa he aha te kaupapa.
Ka pumau ki te kaupapa ka puna ko te reo
"Tu tono mai koe Maunga Hikurangi tuohu ko nga uri e."
Mena he patai wahau tukua mai ki a Rapaea Parata
rparata@tronp.org.nz Ph: 06 867 9960 • Cell: 021 863 114
