TE TOHUNGA AHORANGI, NANA I EKE A TIKITIKI-O-RANGI, I TOMO
A RANGIATEA, I TIKI TE WANANGA O TE AO MAORI O TE AO PAKEHA.
KO IA TE TAUMATA WHAKAHIRAHIRA MO TONA IWI MAORI.

Maioha atu ra e te wiwi, 
E hari nei au me te koa i te huihuinga a nga uri whakaheke a te tokotoru a Iranui.
Nau mai haramai ki Porourangi whare, Porourangi tipuna, Porourangi tangata, ki te wananga whakamaumahara kia Ta Apirana Nohopari Turupa Ngata.
Anei ki Waiomatatini ki tona kainga tupu, ki te mauri, te tapu o Te whanau a Karuwai, nga kai manaaki o te pa tuwatawata nei.
Haruru ana hoki te hinganga o nga kaihautu o taku waka, auahi ana taku raru e, no reira e te mana e te wehi nga uri o te maunga tapu o Hikurangi, o te awa o Waiapu,o nga maunga whakahi o te motu, otira nga mate huhua o te rohe puta noa i te motu takoto marie koutou. Ahakoa kua ngaro i te tirohanga kanohi ka mau tonu i nga whakaaro.

Kei te tipuna papa Apirana Tuahae ko koe ra tena, te kaipupuri, te kaituku, te tohunga whakairo i te kupu ahakoa he aha te kaupapa i roto i tenei wananga mai i tona timatatanga, ka mahara ano kia koe i roto i tenei wananga maumahara ki to ingoa, e kore hoki koe e wareware, na reira koutou kei te po okioki atu ki te mana ki te ihi ki te tapu e pukai mai ra ki tua o te arai.
Tatau te hunga kaingakau ki te nohotahi, ki te takahi i nga tapuwae o enei tipuna o tatau tipu matoro ki te ao.
Kia tau te ia o te mauri ki a tatau katoa

Selwyn T Parata
Kaiarahi o Te Wananga whakamaumahara kia Ta Apirana Ngata


Te Tokotoru a Iranui, Te Whakapumau i nga Kawai Whakapapa 

He mihi ki te hunga whakairo i nga korero o tenei tau, hei whakaoho, hei whakaara i a tatou i roto i o tatou whakaaro.
Ki a Cliff Whiting, Walton Walker, Derek Lardelli, Selwyn Parata, Rikirangi Gage, Wayne Ngata, Victor Walker me etahi atu.

Add new comment